HOLY THURSDAY & GOOD FRIDAY CARO PROCESSION

Salamat sa mga tigdumala sa mga Imahen

Adunay 11 ka imahen sa mga Santos ang mahilakip sa han-ay sa procession panahon sa Semana Santa dinhi sa atong parokya.

Kini sila giatiman sa mga sakop sa mga banay o pamilya nga sa dugay nang panahon mao gayuy mangunay sa pagpahigayon alang sa maayong kahimtang sa mga Imahen pinaagi sa pagbisti niini ug sa pag-adorno sa mga karo nga maoy ilang pagasakyan.

Gipanag-iya ang mga Imahen ug karo, ug giatiman sa mga katigulangan sa mga banay nga nagkupot niini ug napasa-pasa ang maong katungdanan ngadto sa ilang mga anak ug mga apo.

Ang kaparian uban sa mga sakop sa Parish Pastoral Council, mga opisyales sa tanang kapilya ug mga Lay Organizations and Movements, mga Gagmayng Kristohanong Katilingban, ug ang tibuok Simbahan nagkahiusa sa pagpasalamat sa mga banay nga nag-atiman sa mga imahen sa dako nilang tampo sa kinabuhi sa mga magtutuo sa tibuok Minglanilla.

Nagmabulokon ug nahimong labing makahuluganon ang mga kasaulogan sa Semana Santa sa parokya sulod sa daghan nang katuigan tungod sa ilang walay hunong nga pagdumdom sa ilang mga tulumanon.

Kini ang talaan sa mga inahisgutang Imahen uban ang mga tag-iya ug tigdumala:

IMAHEN TAG-IYA/TIGDUMALA
1 ORACION ( agony in the garden Policronia Capoy
2 SN. PEDRO Estelita Enad
3 SN. JUAN Eduardo Engbino
4 STA. VERONICA Rosario Sederiosa
5 STA. MARIA SALOME Sabino Rodriguez
Filomeno Bolo (nagdumala)
6 STA. MARIA MAGDALENA Meding Eliot Cabiles
Belinda Cabiles (nagdumala)
7 NAZARENO Mr. & Mrs. Alejandro Cañada
Lilia Cañada (nagdumala)
8 STA. MARTHA Dr. Isidro Peña
9 BIRHEN DOLOROSA Pelaheyo de los Reyes
Josephine & Marichu
10 PIETA (HUGOS) Reroma Family
Engr. Lenlen Villaflor (nagdumala)
11 STO. ENTIERO (HAYA) Francisco “Badiday” Villordon
Roy Cimafranca (nagdumala)