Gipanguluhan ni Fr. Oscar Ornopia ug inubanan sa Formation Team, ang Duaw-Sangyaw sa parokya nagpadayon sa gimbuhaton niini.
Ang maong kalihokan maoy higayon kanus-a ihatud sa pagduaw ang patrona sa parokya, ang Putli nga Kasingkasing ni Maria sa mga kapilya. Ug sulod sa maong kalihokan ipahigayon ang mga pagtuon ug pag-inambitay sa mga hunahuna sa mga tumatambong . Tapuson kini sa usa ka Santos nga Misa.
Ang tema karong duaw-sangyaw isip pagpangandam sa kapistahan mao ang “Maria Santissima, Inahan nga masaksihon ug maamomahon nga piniyalan”, diin ang mga maayong hiyas sa Inahan sa Dios maoy panag-ingnan sa tanang katawhan.
Tuyo sa maong pagsangyaw nga makaamgo ang tanan nga may usa ka Inahan nga susama kang Maria ug sa tanan inahan nga mao ang “Inahang yuta”. Inahan usab nga diha kaniya naggikan ang daghang kinabuhi nga giamoma , giampingan, ug gisapnay niini.(RDD)
No comments:
Post a Comment