Eleksiyon sa mga Kapilya Gisugdan Na

Nagsugod na sa pagpili ug mga bag-ong opisyales ang tulo ka kapilya sa atong parokya human matapos ang duha ka tuig nga termino sa miaging mga opisyales.

Gihimo niadtong Enero 23, 2011, sa nagkalain-laing takna, ang nahisgotang piniliay didto sa Sta. Cruz, luwak sa Cadulawan, San Vicente, Cadulawan, ug Inahan sa Kanunayng Panabang sa Kacom.
Napili nga mga opisyales sa Sta. Cruz Luwak mao sila si Carmelina Herbias, Danilo Ferrer, Michelle Nuñez, Francisco Tardin ug Elizabeth Geonzon.

Napili usab sila si Nicolas Fajardo, Francisco Basister, Elsa Fajardo, Jennifer Talandron ug Donavie Laspuña sa

Samtang sa kapilya sa Inahan sa Kanunayng Panabang, Sona 6, napili nga mangatungdanan sila si Jerome Tan, Lyndon Castañares, Bebot Papellero, Blebin Tan, Jessica Vasquez, Elizardo Selloria ug Marilyn Go.

Mosunod ang piniliay didto sa mga Kapilya sa Birhen sa Fatima Costa Plaza, Sona 1, ug sa Birhen sa Fatima, Sunflower, Sona 6.

Padayon nga pagahimuon ang mga eleksyon didto sa mga kapilya hangtud malukop gayud ang tanang sona sa dili pa mahuman ang Bulan sa Marso niining tuiga.

Gilantaw nga human niini, makapili na ang matag Sona ug kaugalingong Zone Pastoral councils nga mao unya’y modumala sa pagpadagan sa mga kalihokan sulod sa barangay diin sila mahisakop..

Tumong sa parokya nga kining maong Zone Pastoral Councils maoy mamahimong katambayayong sa mga Barangay Councils diha sa pagpangalagad sa katawhan, ilabi na diha sa espiritwal nga aspeto sa kinabiuhi sa mga molupyo.

Gilauman nga sa umaabot nga mga katuigan mapatidlum na sa kinauyokang kinaiya sa katawhan ang pangtambayayong sa tanang sector niini alang sa kalamboan sa katilingban.

Sugdan kini sa pakig-alayon sa atong parokya sa gobyerno pinaagi sa gipanday karon nga mga programa pastoral nga tumong sa mapadayunon nga paghulma sa mga sakop sa konseho sa baranggay.

Sa kasamtangan, padayon nga gilig-on ang kahiusa ug katakos sa mga lider nga nagdumala sa mga kapilya ug Sona.

Human unya sa eleksyon sa Zone Pastoral Councils, tigumon ang mga Presidente niini aron maoy molangkob sa pagatukoron nga grupo nga magsilbeng kina-uyokan nga kapunongan sa mga tigdumala sa pastoral nga kalihokan sa parokya.

CARDINAL MITUNOL SA PASIDUNGOG NGADTO KANG DAVIDE

Midawat ang kanhi Chief Justice Hilario Davide, Jr. ug pasidungog nga Knight of the Grand Cross sa Order of the St. Sylvester atol sa gihimo nga seremonyas sulod sa Santos nga Misa nga gipangulohan ni kanhi Cebu Archbishop Cardinal Vidal niadtong Enero 9, 2011, didto sa Blessed Pedro Calungsod Shrine sa Archbishop’s Palace .

Katapusan kadto nga pasidungog nga nahatag ni Cardinal Vidal sa diha pa siya sa iyang katungdanan isip Arsobispo sa Sugbo.

Matud pa ni Cardinal Vidal sa iyang wali sa maong misa, gitudloan ni Davide ang nasod pinaagi sa pagpakita niini ug tim-os nga pagkamanggi-angayon, nga maoy kuwang ug kawang kaayo sa atong kultura.

Subay niini gidayeg ni Cardinal si Davide nga usa ka insaktong ehemplo sa usa ka hamiling parokyano.
Ang maong pasidungog niadtong 2007 pa gihatag ni Pope Benedict XVI apan karon lamang nahatagi ug higayon sa usa ka seremonyas.
Kasamtangan karon nga nagsilbi si Davide nga Ambassador ngadto sa United Nations.
Ang maong pasidungog mao ang kinatas-an nga mahatag ngadto sa usa ka layko sa Katolikong Simbahan (CD)

STO. NIÑO de CEBU

In 1565, Juan de Camus, a mariner of the second generation of Spanish Colonial campaign under Don Miguel Lopez de Legazpi found inside a pine box an unscathed Image of the Santo Niño. The adorable image believed to be of Belgian origin stands roughly at 30.48cm tall,wearing a loose velvet vestment, a gilded neck chain and a woolen red hood. It is carved from wood and coated with paint. The image holds a golden ball, a replica of the world in the left hand, and the right hand is slightly raised as a gesture of blessing.

Deeply impressed by this discovery, Camus presented the Image to Legazpi and the Augustinian priests. They were so humbled by the significance of the finding of the image that in solemnity, the image was carried in a procession to a provisional chapel. Legazpi then ordered the creation of the Confraternity of the Santo Niño de Cebu with Fr. Andres de Urdaneta as its head. A devotee of the Child Jesus himself, Legazpi installed a festivity in commemoration of the finding of the Holy Image.

The Cebuano natives revered the Image of Santo Niño as Bathala. They most probably blessed the image with oil or offered sacrifices to the Santo Niño while invoking for His assistance in times of difficulties, reliefs in their necessities or consolations in their adversities. Stories of the Miracles of the Señor Santo Niño spread like wildfire in the Seas, placing Cebu as the Cradle of the Santo Niño devotion in the Philippines.

The Basilica Minore del Santo Niño built on the very same spot where the image was found on April 28, 1565, housed the statuette of the Santo Niño. With the increasing number of devotees flocking the Church of Santo Niño, Pope Paul VI elevated its rank as minor basilica with all rights and privileges accruing to such conferment for the Quadricentennial celebration of Christianity in the Philippines.

Numerous miracles have been wrought by the power of the Santo Niño… .

PANAHUM

Walay Hunong nga Pagbag-o

Bag-ong tuig, bag-ong kinabuhi; mao kini sagad nga madungog ug mahimung baruganan sa tawo dihang maghunahuna siya nga sugdan na ang paglihok aron matuman ang gihandum niya nga kabag-ohan sa kinabuhi.

Apan kining maong bag-ong sinugdanan, sumpay lamang sa nangagi - usa lamang ka pagpadayon sa pagtuyok sa ligid sa panahon.

Bisan asa kita magsugod sumpay gihapon kini sa nasugdan na ug gibalikbalik nga mga buhat, apan ang padulngan niini mahidangat gihapon ngadto sa gimbut-an sa Labawng Makagagahum.

Napadayag sa mga nangulo sa matag kapilya ang matuod nga diwa sa panaglambigit niadtong Pasko sa Parokya.

Napakita nila ang kalig-on sa ilang panaghiusa.

Maaninaw nga hapsay ang pagpadagan sa mga kalihokan, tungod kay ang mga nagdumala nahulma na man sa pagkahamtong sa lihok-pangalagad.

Apan kinahanglang ang kabanusan - ang paghatag ug higayon sa uban nga mohupot ug katungdanan , mao nga padayon karon nga gihimo ang piniliay sa mga opisyal sa mga kapilya,

Subli-subli kining ginahimo ug subli gihapon nga buhaton sa umaabot; sama sa ulan nga dili na maihap kapila na magbalikbalik sa pagbunok sa pagbisibis sa yuta hinungdan nga mogitib ug moturok ang mga tanum, ang matag piniliay nagdala usab sa samang saad - ang pagsubol sa bag-ong kinabuhi.

Bag-ong kinabuhi, bag-ong paglaum; bag-ong mga pangulo, bag-ong parokya - sumpay sa kagahapon paingon sa umabot.

Mabuhi ang tanang pangulo, daan ug bag-o! Saulogon ta ang kahiusahan, tungod kay ang tanan dugtong man ngadto sa kahingpitan sa Gingharian sa Dios.

Pasko sa Parokya Gipangandaman, General Assembly Gihimo

Kapin sa usa ka gatos (100) ka mga opisyales sa Zone ug Chapel Pastoral Councils ang nanambong sa General Assembly niadtong Disyembre 5, 2010, ala 1:00p sa udto hangtud sa alas 4:00 sa hapon, didto sa Parish Pastoral center.

Tuyo gayud nga gihimo ang maong asembliya alang sa pagpangandam sa mga kalihokan sa Pasko 2010.

Kasaysayan

Nahimo nang tradisyon ang tinuig nga kalihokan nga gitawag ug Pasko sa Parokya sukad pa niadtong tuig 1994, panahon sa pagdumala ni Fr. Eliseo Gamallo isip padre kura sa parokya.

Napahigayon ang unang Pasko sa Parokya pinaagi sa pagpaningkamot ni Fr. Jinny Villamor, ang kaabag nga pari ni Fr. Gamallo ug sa Parish Pastoral Council niadtong higayona, inabagan sa Parish BEC Secretariat.

Sumala pa ni Alan Caña, usa sa mga sakop sa kanhi Parish BEC Secretariat, wala pa sukad mahitabo nga adunay tuig nga walay panagtigum aron sa pagsaulog sa pasko sukad gisugdan kining maong tradisyon.

“Daghan nang mga pamaagi ang gisuwayan alang sa pagpasayon sa mga buluhaton atol sa kasaulogan, apan bisan pa man nga usahay adunay mga kabulilyaso nga nangahitabo wala kini igsapayan sa katawhan tungod kay ang labing mahinugdanon alng kanila mao ang pagpadayag sa kahiusa, panaglambigit ug panag-inigsoonay sa tanan”, nagkanayon si Caña.

Matud ni Christine Lopez, parish pastoral worker, nga sulod sa gihisgotang asembliya gipahigayon ang pagmugna ug mga kumitiba nga mopasayon sa dagan unya sa kasaulogan diha sa pagpangaon, pagpahigayon sa mga pasundayag, ug pagpangulo sa mga duwa-kalingawan nga himuon.

Pangandam

Ang Pasko sa Parokya 2010 pagahimuon karong Disyembre 30, 2010, ala 9:00 sa buntag hangtud sa alas 4:00 sa hapon sa Parish Pastoral Center.

Ug didto sa gihisgotang asembliya niadtong Disyembre 5, gimugna ang mga kumitiba nga mopasayon sa dagan unya sa kasaulogan.

Ang mga nahulma nga kumitiba mao kining mosunod: Physical Arrangement ug Peace and Order- nga panguluhan ni Intes Secuya sa Sona 2, ug sa iyang mga kauban nga sakop sa Minglanilla Volunteers Organization (MVO); Program Committee – pagadumala-on ni Raulito Plarisan ; First Aid – nga pangunahan ni Rommel Verame; ug Committee on Prizes – inubanan nila ni Bernadette Respondo ug Kelvin Paul Unabia.

Sumala ni Fr. Ornopia , motampo ang kaparian gikan sa panudlanan sa parokya, ug 80 kilos ka karneng baboy aron ipuno sa mga pagkaon nga panag-ambitan sa matag Sona.

Gahinan ang matag Sona ug 8 kaKilo aron ilang isugba o himuon ba nga barbecue.

Gawas sa maong tanyag, aduna pay boluntaryo nga mi-‘pledge’ ug usa ka baboy nga ipa-ihaw aron ilakip sa pagkaon nga idalit.

Aduna nay mga miboluntaryo nga moabag sa mga buluhaton sa pag-andam sa mga pagkaon.

Gilantaw sa tanan nga mahimong alegre ug makahuluganon ang pagsaulog sa Pasko sa Parokya karong tuiga. ( AC/RP/CD ).

PANAHUM

Pasko Alang sa Tanan

Disyembre, panahon sa Pasko.

Higayon sa pagbalik-lantaw, ug sa pag-aninaw sa kahimtang karon sa imong kinabuhi; sa kahimtang sa imong panglawas, sa nahipos nga mga butang , bahandi o salapi; sa imong posisyon sa katilingban, sa kalamposan nga nakab-ot; sa mga kabulahanan nga nadawat gikan sa Dios.

Alang sa kadaghanan, higayon karon sa pag-paambit ug pagpanghatag.

Ug nunot niining maong panghunahuna, higayon usab karon sa pagpanggawas sa mga kabus ug mga biniyaan sa katilingbanong pag-uswag o pag-asenso.

Higayon karon alang kanila nga mosalikway sa ilang kauwaw nga dala sa ilang kahimtang sa pagka-alaut.

Higayon na karon nga makaduol sila sa mga adunahan aron mangayo ug pahat sa kabulahanan nga hinatag sa Dios alang sa tanan.

Ikaw igsoon nga nagbasa niini karon, nagpangayo ka ba o naghatag? Naningil ka ba o namayad?

Unsa man kaha ka dako ang imong utang sa kabus nimong mga igsoon nga masakiton, naglibudsuroy nga hubo ug walay kapuy-an, giuhaw, gigutom, gidaug-daog ug gikalimtan?

Kabulahanan ang saad sa paglaum nga dala sa pagkahimugso ni Hesus.

Karong panahon sa pasko, ipaambit ang imong kabuhong ngadto sa uban.

Mao kini ang matuod nga espiritu sa pasko.

Malipayong pasko sa tanan. Tanan Gayud! ( AC)

Zone Pastoral Council Palig-unon

ni Alan Caña

Ang atong parokya gibahin-bahin sa 9 ka mga Sona nga gilangkoban sa mga kapilya nga nahisakop niini.

Gidumala ang matag Sona sa gitawag ug Zone Pastoral Council ( ZPC ) kansang mga sakop mao ang nag-representar sa tagsa nila ka mga kapilya.

Dinhi niining maong konseho tuki-on, hashasan ug sabot-sabotan ang mga butang nga ipasa gikan sa mga Chapel Pastoral Councils.

Ang ilang makasabotan nga mga plano mao usab ang ilang isang-at ngadto sa Parish General Assembly.

Ang labing mahinungdanong buluhaton sa Zone Pastoral Council mao ang pagdugtong sa mga kalihokan sa kapilya ngadto sa tibuok parokya ug ang pag-abag sa kaparian aron mapa-abot ngadto sa katawhan ang mga programa sa simbahan ilabi na diha sa pagpahigayon sa mga kalihokan sa Pagsangyaw.

Sila usab ang magsilbing taytayan sa kutay sa komunikasyon ug panaglambigit sa mga tawo sa ilang dapit.

Dako nilang katungdanan ang pag-aninaw sa kahimtang sa ilang palibot ug pagpaminaw sa pulso sa katawhan aron makatabang alang sa pagpahapsay sa ilang mga kinabuhi isip mga magtutuo.

Gipaningkamutan karon sa Team of Pastors ug sa mga layko nilang mga kaabag ang mapadayonon nga pagdasig, paglig-on ug paghulma sa sakop sa mga ZPC ug CPC aron mamahimo gayud silang takos nga tigdumala ug pangulo sa katilingban nga ilang gialagaran.

Gihimo kini pinaagi sa Duaw-Sangyaw, Bisita Sona, Leaders Formation Training Seminars, ug sa mga kasayuran nga imantala sa Hamiling Parokyano Newsletter.

Training Seminars, ug sa mga kasayuran nga imantala sa Hamiling Parokyano Newsletter.

Gilauman nga ang matag magtutuo nga modangop niining maong mga konseho mahatagan ug maayong pagtagad ug maalagaran isip igsoon diha ni Kristo.