HANDUMON NATO …

Misa Paghandum alang kang Bro. Arturo Fernandez

Ni Alan Caña

          Gisaulog  ang usa ka Santos nga Misa pahinungod sa unang kasumaran sa pagkamatay ni Arturo Fernandez   didto sa Main Chapel sa Sementeryo niadtong Hunyo 4, 2010, bioyernes, a als tres sa hapon.

            Ang Misa gipangulohan ni Msgr. Esteban Binghay, Episcopal Vicar ug kanhi Padre  Kura sa atong parokya.

                   Gitambongan kini sa mga sakop sa iyang banay, mga paryente, mga kaubang Lay Ministers ug sa suod niyang mga higala.

              Human sa Misa gihimo ang  panagsalo sa pagpangaon dapit sa nahimutangan sa iyang lubong.

                      Si Brod Turo , nga nailhan usab nga Tatay Turo isip sangpit-pagtahud  sa mga nakaila kaniya, nag-alagad sa parokya isip Lay Minister  sulod sa hataas nga panahon sa wala pa siya mamatay.

                     Nagsugod siya pagpangalagad panahon sa pagkakura ni Msgr. Eliseo Gamallo, nagpadayon  sa panahon ni Msgr. Esteban Binghay ug hangtud pa gayud sa kasamtangang panahon sa pagdumala sa  Team of Pastors.

                   Nahimo siyang personal nga tigmaneho sa sakyanan ni Msgr. Binghay  sulod sa 11 ka tuig  dungan sa iyang pagserbisyo   isip Lay Minister.

                   Ang pagpangalagad ni Bro Turo maoy usa ka maayong panig-ingnan sa usa ka panerbisyo nga matinud-anon ug malungtaron.

                 Naggahin gayud siyag panahon sa pagpangalagad bisan sa higayon nga gibati na siyag kaluya sa iyang lawas. 

                     Gibarugan ni Bro. Turo ang iyang pagka- Lay minister hangtud sa katapusang mga adlwaw sa iyang kinabuhi.

                      Bro Turo, saludo kaming tanan kanimo.

                       Malaumon kaming nahiusa ka na karon sa atong Dios nga amahan sa langit.

                    Amen !

--o0o--

“To be truly a good Catholic we must learn both Scriptures and Tradition.”

St. Basil the great.