KASIKBIT NGA PAROKYA

Pastoral Worker sa Lipata, Lay Missionary sa Tokyo, Japan

Si Sol Velez, usa ka aktibong parokyanhon sa San Roque Parish sa Lipata, atua na karon sa Tokyo, Japan isip lay missionary. Nag-alagad siya kaniadto sa ilang parokya isip tigdumala sa mga kalihokan Sa Basic Ecclesial Communities (BEC). Mabasa unya dinhi ning atong basahon Hamiling Parokyano ang iyang mga kasinatian sa bag-o niyang apostolado didto sa Japan.

KASAULOGAN SA IKA-25 NGA ANIBERSARYO

OUR LADY OF HOLY ROSARY PARISH sa Tuyan, Naga Cebu. Mulunsad sa ilang Silver Anniversary karong Oktubre 12, 2010 alang sa pagpangandam nila sa ilahang 25th Anniversary sa umaabot sunod tuig 2011.

Sumala pa ni Manang Ruth Reguero, PPC Secretary sa maong Parokya, kining maong kasaulogan pagasugdan sa TRIDUUM sa dili pa ang adlaw sa paglunsad sulod sa tulo ka gabie sa alas 7.

Nangandam usab ang mga kabatan-onan nga gipangulohan nila ni John Jason Francisco ug Choky Repollo ug mga kalihokan sama sa Theme song Writing Contest ug paghimo ug Logo alang sa maong simbahan.

Subay niini, ilang pagahimoon ang Mass Wedding sa samang adlaw sa alas 10 sa buntag.

Gipaluyohan kining maong mga programa sa Parish Pastoral Council nga nagplano nga magtukod ug Parish Pastoral Center nga gipangulohan ni Mrs. Lydia Lapitan, inabagan sa ubang sakop sa PPC.



OUR LADY OF THE HOLY ROSARY PARISH sa Inayagan. Gipangandaman sa mga sakop sa Parish Pastoral Council sa maong parokya ang ila usab nga ika 25 ka tuig nga anibersaryo sa umaabot sunod tuig. Samtang ilang saulogon karong Oktubre 22, 2010 ang ilang kapistahan.

Agig pagpangandam sa ilang Silver Anniversary ilang ilunsad sa umaabot pista ang ebanghelisasyon sa 25 ka mga piniling pamilya sa siyam ka mga zona sa ilang parokya. Sumala ni Mrs. Princess Burbos, usa sa mga sakop sa PPC sa Inayagan,
kini usa ka tuig nga kalihokan sa ilang PPC ug kura paroko diin regular nilang bisitahon ang maong mga pamilya ug hatagan ug seminar, recollection ug uban pang relihiyosong kalihokan.