WHO’S in the PARISH TODAY?

WILLIE UG CHRISTINE LOPEZ,

MAGTIAYON NGA NAG-ALAGAD SA PAROKYA

Matag adlaw ato silang makita sa Pedro Calungsod Hall.

Si ate Christine nga nag-alagad isip usa ka Liaison o Pastoral Worker sa Simbahan, ug si Kuya Willie nga usa ka Lay Minister nga tigdumala sa kahapsay ug kalimpyo sa maong edepisyo.

Magtiayon sila nga nagduyog sa paghatag sa ilang serbisyo sa Simbahan ug sa Dios sa lain-laing paagi.

Si ate Christine, niadtong dalaga pa siya , nagsugod isip sakop sa Auxilium Choir sa Lourdes Parish ug nahimong sakop sa Catholic Charismatic Movement, unya nahimong siya nga Katekista.

Tuig 1999, panahon sa pagdumala ni Msgr. Esteban Binghay nga kura sa atong parokya, si ate Christine nagsugod pagserbisyo isip miyembro sa Speakers Bureau sa Duaw Sangyaw.

Sa pagkakaron, usa siya sa mga sinaligan nga mopahigayon sa maong kalihokan.

Siya usab ang tighatod sa mga pahibalo ug imbitasyon sa parokya ngadto sa tanang opisyales sa 60 ka kapilya ug uban pang importante nga mga tawo. Ug gawas niini, isip usa sa iyang mga apostolado, mohatag pa gayud siya ug higayon sa pagduaw sa mga masakiton ilabi na sa mga opisyales sa kapilya .

Sa laing bahin si Kuya Willie Lopez, ang kapikas ni ate Christine gawas nga maoy gitahasan sa pag-atiman sa Blessed Pedro Calungsod Hall , nag-alagad usab isip Lay Minister diin iyang gihatagan ug dakong pagtagad ang pagpakalawat sa mga masakiton.

Naggahin pa gayud siya ug higayon sa pagduaw sa mga piniriso sa Minglanilla Prison, ug sa pag-abag sa mga kalihokan sa Block Rosary Units sa World Apostolate of Fatima didto sa mga kapilya.

Bro Willie ug Sis Christine: magtiayon, Mga

HAMILING

Parokyano

tiunayng mga alagad sa Dios.