Mabuhi !
Hapsay ang dagan sa tanang kalihokan sa miaging Semana Santa.
Ug sama sa nangaging katuigan, napadayag na usab sa mga parokyanhon ang buhi nilang pagtuo pinaagi sa ilang gipakita nga kahiusa sa pagpahigayon sa tanang buluhaton.
Makapanghinuklog ug puno sa bulok ang mga lihok-paghandum sa Kasakit , Kamatayon ug Pagkabanhaw ni Hesus.
Han-ay ug maayong pagkadadumala ang mga Liturhiya ug ingon man usab ang mga pasundayag.
Ang prosesyon sa Huwebes ug Biyernes Santo, ug ang mga kalihokan paingon ngadto sa Sugat sa Domingo sa Pagkabanhaw, husay kaayo nga napahigayon - bisan pa man sa bagang duot sa mga tawo nga nanambong.
Human sa malampuson ug makahuloganon kaayong kasaulogan, malaumon nga magpadayon ang mga parokyanhon nga kanunayng mag-uban kanila sa ilang mga paningkamot ang ilang gabayan sa gugma ug pagtuo – ang Putli nga Kasingkasing ni Maria.
Gipili sa Dios ang taga-Minglanilla nga mahimong tig-atiman sa Parokya sa iyang Inahan.
Tahas sa tanan ang pagpalambo sa parokya ug pagseguro nga ang mga naandang tradisyon sa mga kalihokang lambigit sa pagtuong katoliko magpadayon ug mapalambo sa walay pagtipas sa matuod nga tumong niini.
Buhi si Hesus!
Buhi ang Sugat sa Minglanilla !
Buhi ang Parokya sa Putli nga Kasingkasing ni Maria !
Mabuhi ang tanang Minglanillahanon!
-oOo-
Hapsay ang dagan sa tanang kalihokan sa miaging Semana Santa.
Ug sama sa nangaging katuigan, napadayag na usab sa mga parokyanhon ang buhi nilang pagtuo pinaagi sa ilang gipakita nga kahiusa sa pagpahigayon sa tanang buluhaton.
Makapanghinuklog ug puno sa bulok ang mga lihok-paghandum sa Kasakit , Kamatayon ug Pagkabanhaw ni Hesus.
Han-ay ug maayong pagkadadumala ang mga Liturhiya ug ingon man usab ang mga pasundayag.
Ang prosesyon sa Huwebes ug Biyernes Santo, ug ang mga kalihokan paingon ngadto sa Sugat sa Domingo sa Pagkabanhaw, husay kaayo nga napahigayon - bisan pa man sa bagang duot sa mga tawo nga nanambong.
Human sa malampuson ug makahuloganon kaayong kasaulogan, malaumon nga magpadayon ang mga parokyanhon nga kanunayng mag-uban kanila sa ilang mga paningkamot ang ilang gabayan sa gugma ug pagtuo – ang Putli nga Kasingkasing ni Maria.
Gipili sa Dios ang taga-Minglanilla nga mahimong tig-atiman sa Parokya sa iyang Inahan.
Tahas sa tanan ang pagpalambo sa parokya ug pagseguro nga ang mga naandang tradisyon sa mga kalihokang lambigit sa pagtuong katoliko magpadayon ug mapalambo sa walay pagtipas sa matuod nga tumong niini.
Buhi si Hesus!
Buhi ang Sugat sa Minglanilla !
Buhi ang Parokya sa Putli nga Kasingkasing ni Maria !
Mabuhi ang tanang Minglanillahanon!
-oOo-
No comments:
Post a Comment