Giduaw ni Fr. Jojo Deligero si noy Quirino Estrada, ang kanhiayng sacristan mayor sa atong parokya nga na-stroke sulod sa taas na nga panahon. Naapektahon ang iyang panulti mao nga nakiglambigit na lang ang pari pinaagi sa iyang kamaguwangan anak nga si Jesusa bahin sa iyang kahimtang.
Nangalagad si noy Quirino sa atong parokya sa 47 ka tuig ubos sa 9 ka mga kura paruko, hangtod sa iyang pag-retiro niadtong tuig 2000.
Gipahulam siya og wheel chair ubos sa kundisyon nga i-uli kun dili na magamit niya para kapahimuslan usab sa uban. May tabang usab nga gitanyag ngadto sa iyang anak nga buot usab unta mo-alagad sa simbahan og kini panagsabotan pa tali kanila.
Dakung pasalamat sa team of pastors sa pag-alagad ni noy Quirino sa parokya. (RDD)
No comments:
Post a Comment