Ang kasugiran sa kapilya ni Sta. Fi-lomena sa Tiber

Hinikay ni Raulito Plarisan

Sumala sa mga asoy sa katigulangan, ang kapilya sa Sta. Filomena sa Tiber natukod niadtong tuig 1910, panahon sa pagdumala ni Rdo. Padre Filomeno Silva isip Padre Kura sa parokya sa Putli nga Kasingkasing ni Maria. Ang katungdanan sa pag-atiman sa kapilya ug sa imahen sa maong santa didto masangon ni Manang Rosenda Caballero nga asawa ni Eusibio Cansancio.

Sa nagligid ang mga katuigan, makanu-nayong gipistahan nila ang maong kapilya nga ginama lamang sa sinalirap nga lukay . Matud pa, alegre kaayo ang ilang mga pagsulog bisan pa man wala pa mauso ang suga nga dagitabnon niadtong panahona.
May higayon nga gihulaman ang maong imahen ni Manang Damiana Taraya nga asawa ni Manuel Tecson aron saulogan ug piyesta sa ilang kapilya dapit sa lungsod. Apan sa wala damha nga kata-lagman, nasunog ang ilang kapilya ug nahilakip ang imahen ni Sta. Filomena.

Ang maong trahedya wala makaundang sa banay ni Manang Rosenda sa ilang nasugdan nga debosyon. Ug tungod kay niadtong panahona lisod pa man ang pagpakulit ug imahen kay pipila lamang ang makamao nga mokulit, gipadayon
gihapon nila ang pagpangadye sa petsa sa ilang kapistahan ginamit lamang ang nobenahan.

Ang katungdanan sa pagpangulo sa de-bosyon gitunol ni Manang Rosenda ngadto sa iyang kaliwat nga si iya Fernanda “Nanda” Ca-ballero. Ug sumala sa mga asoy, nakaplagan ni Iya Nanda ang ulo sa nawalang imahen didto dapit sa may tinubdan sa Tiber. Iya kining gipa-retoke, gipabutangan ug kamot ug tiil hangtud nakumpleto ang bayhon niini.

Tapos sa hataas nga panahon nga pag-dumala sa mga katigulangan, nakahukom ang mga Tiberanon nga magpili ug mga pangulo sa ilang kapilya. Sa tuig 1940, panahon sa pagtakas sa mga Hapon, nahimugso ang unang mga opi-syales sa ilang kapilya, ug ang napili nga unang pangulo mao si Manong Loloy Unabia.

Niadtong higayona sa kasaysayan sa Minglanilla kanus-a nahiagom sa dakong sunog ang lungsod, lakip na niini ang tiber, ang imahen ni Sta Filomena gibutang sa parokya alang sa seguridad niini ug pagakuhaon lamang kini matag piyesta.

Bisan pa man sa mga kagubot sa atong nasud, wala mapalong ang nagdilaab nga pagtuo sa mga Tiberanon. Human sa kamatayon ni Nong Loloy, gipili nila si Sancio Mantalaba nga puli kaniya.

Mikabat na sa 17 ka mga pangulo ang nakadumala sa maong kapilya sukad matukod kini, ug ang kasamtangang nagdumala niini mao si Raulito Plarisan, lumad usab nga Tiberanon.

Gikan ni Padre Filomeno Silva nga maoy Padre Kura niadtong panahona (1905), miabot na ug 15 ka pari ang nahimong kura sa parokya hangtud sa kasamtangang pagdumala sa Team of Pastors sa tuig 2008 hangtud karon 2010.

Ang maong kapilya nga maoy usa sa mga labing karaang kapilya sa parokya, magpa-biling mobarog hangtud pa sa iumaabot nga katuigan.

Viva Sta. Filomena! Viva Tiberanon!