PAGPAAMBIT

DUHA KA KINAIYANHONG KINABUHI SA TAWO

Ni Brod Vic. Gumera

Unsa ba ang tawo ug diin man siya gikan?

Ang tawo usa ka pagkamao nga gibuhat sa Dios gikan sa duha ka elemento nga lawas ug kalag. (Gen. 2:7)

Ang lawas sa tawo gikan sa yuta - material, temporal ug may katapusan, samtang ang kalag - espiritwal, eternal ug mohangtod sa kahangturan. Nagkasagol diha sa tawo ang material ug espiritwal kay ang lawas ug kalag gihiusa man sa Dios ngadto sa usa ka tibuok substansya nga mao ang tawo.

Ang kalag sa tawo maoy nakapahimo kaniya nga usa ka buhing unodanong binuhat. Ang atong Simbahan nagtudlo nga ang tawong buhi bug-os tibuok lawas ug kalag, kasing-kasing ug tanlag, salabutan ug kabubut-on.

Ang mga kakayahan ug kaakohan sa tawo.

Ang panaghiusa sa kalag ug lawas diha sa pagka-tawo mao ang duha nato ka properties kon bililhong bahandi o kabtangan nga atong nadawat gikan sa Dios nga atong magbubuhat. Atong dakong katungdanan ang pagtahod, pagpanalipod ug pag-amuma sa atong lawas.

Gawas sa duha nga naangkon, gihatagan pa gayod ang tawo ug duha ka mga faculties kon kakayahan nga mao ang intellect and free-will kon salabutan ug gawasnong kabutbut-on aron gamiton paghimo sa maayo ug hustong mga hukom.

Tungod niini ang tawo dunay duha ka managlahing kinaiya. Siya usa ka material being - dunay kadugtongan nganhi sa kalibotan pinaagi sa iyang yutan-ong lawas, ug siya usab usa ka spiritual being - dunay kadugtangan sa eternidad pinaagi sa iyang espirituhanong kalag. (sulat ni San Pablo ngadto sa taga Roma 7:14-24)

Matod pa sa mga Philosophers,“Man is a being. Man is human. Man is a person, he is an intelligent and conscious being, he exists as a unique and unrepeatable person, capable of self-knowing, self-possession, self-determination. He can talk, think. Understand, remember, love, decide and reflect on himself and therefore aware of himself and his actions.

So the person including the body is completely enthrusted to himself and it is in the unity of the body and soul that the person is subject to his own moral acts”.

Matod ni St. Irenaeus, “Man is a rational being and therefore like God, he is created with free-will and is master over his acts”.

Dinhi atong masabot nga ang tawo responsable ug may dakong tulubagon sa unsay iyang dangatan ug sangpotan sa iyang kinabuhi sumala sa iyang mga binuhatan, maayo man o daotan dinhi sa kalibotan. (2 Cor. 5:10)

Si San Pablo dunay awhag kanato sanglit gibanhaw na man kita uban ni Cristo, Hunahu-naa ang mga butang langitnon, dili ang yutan-on (2 Cor. 5:10) Bisan maglakaw ang atong mga tiil dinhi sa yuta, ibayaw ngadto sa langit ang atong mga hunahuna.