Uban ni Huwan Yano
Gikan pa gyud si Huwan sa usa ka “prayer meeting” sa balay sa kauban niyang sakop sa gamay nilang kristohanong pundok dihang gisangpit siya sa iyang higala ug gipahapit makadiyot sa ilang tugkaran samtang kini naghapyod sa iyang manok hiniktan ug nagpabulhot-bulhot sa aso sa sigarilyo..
“Diin man ka gikan Bay nga morag hayag man kaayo kag hitsura?”.,nangutana si Nesto.
“Didto sa ilang Sister Conching, nag-prayer meeting. Kumusta man diay ka bay? nangutana si Huwan samtang nagpahiluna paglingkod sa lantay ilawom sa mansinitas diin mahimutang si Nesto.
“Nia, sama sa gihapon walay kausa-ban”, tubag ni Nesto, ug seryoso siyang miin-gon: “Maayo ka bay kay duol ka sa ginoo, buotan kaayo ka ug malinawon imong kinabuhi. Dili parehas nako, gubot kaayog kahimtang. Ambot may paglaum pa ba ni.”
“Samtang buhi pa ang tawo Bay, adu-na gayuy paglaum” pamahayag ni Huwan.
“Maayo ka kay wa na kay bisyo. Giun-sa man diay nimo pagbiya sa bisyo Bay Hu-wan?”
“Dili kaayo ko makasaysay nimo sa mga detalye pero nagsugod ra gyud to sa tin-guha nga magbag-o ug mao nga nakighinabi ko sa usa ka higala nga aktibo sa simbahan, sama sa gibuhat nimo karon. Iya kong giagda nga moapil ug seminar, motambong sa mga prayer meetings ug mosimba matag Doming-go, ug human ato hinayhinay nawagtang akong gana paghimo sa naandan kong mga bisyo . Ug miabot ang higayon nga naikag ko sa pagkumpisal”, lakbit-saysay pa ni Huwan sa iyang kaagi. “
“Makahimo gyud diay pagbiya ang tawo sa bisyo kon buot gyud niya bay?”
“Makahimo gyud diay pagbiya ang tawo sa bisyo kon buot gyud niya bay?”
“Makahimo kaayo, inubanan sa grasya gikan sa Dios”, tubag ni Huwan.
“Yuna pa bay,unsa man kanang imong gidala-dala?
“Hamiling Parokyano ni, newsletter sa atong parokya. Nia dinhi mahisulat ang mga balita mahitungod sa mga kalihokan sa parokya, lakip na usab ang mga kasinatian sa mga parokyano ug mga pagtulon-an sa atong pagtuo. Ania imo na ni, basin makatabang ni nimo”
Gidawat ni Nesto ang basahon ug sa di-hang nakabasa siya sa unang panid niini, nahin-gangha siya ug nagkanayon: “Pari nangayo ug pasaylo? Unsay gipasabot niini? Makasala sad diay na sila? Wa ni siya mauwaw nga miangkon?”, pusot pusot niyang pangutana.
Mipahiyom si Huwan ug miingon: “Basa-ha lang na bay ug unya na ta mag-estorya bahin niana sa sunod nakong balik nganhi.”
Misanag ang nawong ni Nesto sa pagka-bati niya niini. “Mao gyud nay akong gusto ihan-gyo unta nimo bay, nga mobalik ka kay daghan pa kog ipangutana, nagkinahanglan ko ug giya. Gika-poy na ko, di na ko kasugakod, buot na kong ma-kig-uli sa ginoo, mangayo ug pasaylo”, mapahiub-sanong misugid si Nesto sa iyang gibati.
Miagbay si Huwan sa iyang abaga ug miingon: “Sige bay, mobalik lang ko sa sunod ad-law, kalingawi lang una na ug basa-basa ang new-sletter mentras tanto”.
“Salamat Huwan, salamat”, nagkanayon si Nesto samtang nagpakli siya sa mga panid sa Hamiling Parokyano Newsletter. (AC)
“Diin man ka gikan Bay nga morag hayag man kaayo kag hitsura?”.,nangutana si Nesto.
“Didto sa ilang Sister Conching, nag-prayer meeting. Kumusta man diay ka bay? nangutana si Huwan samtang nagpahiluna paglingkod sa lantay ilawom sa mansinitas diin mahimutang si Nesto.
“Nia, sama sa gihapon walay kausa-ban”, tubag ni Nesto, ug seryoso siyang miin-gon: “Maayo ka bay kay duol ka sa ginoo, buotan kaayo ka ug malinawon imong kinabuhi. Dili parehas nako, gubot kaayog kahimtang. Ambot may paglaum pa ba ni.”
“Samtang buhi pa ang tawo Bay, adu-na gayuy paglaum” pamahayag ni Huwan.
“Maayo ka kay wa na kay bisyo. Giun-sa man diay nimo pagbiya sa bisyo Bay Hu-wan?”
“Dili kaayo ko makasaysay nimo sa mga detalye pero nagsugod ra gyud to sa tin-guha nga magbag-o ug mao nga nakighinabi ko sa usa ka higala nga aktibo sa simbahan, sama sa gibuhat nimo karon. Iya kong giagda nga moapil ug seminar, motambong sa mga prayer meetings ug mosimba matag Doming-go, ug human ato hinayhinay nawagtang akong gana paghimo sa naandan kong mga bisyo . Ug miabot ang higayon nga naikag ko sa pagkumpisal”, lakbit-saysay pa ni Huwan sa iyang kaagi. “
“Makahimo gyud diay pagbiya ang tawo sa bisyo kon buot gyud niya bay?”
“Makahimo gyud diay pagbiya ang tawo sa bisyo kon buot gyud niya bay?”
“Makahimo kaayo, inubanan sa grasya gikan sa Dios”, tubag ni Huwan.
“Yuna pa bay,unsa man kanang imong gidala-dala?
“Hamiling Parokyano ni, newsletter sa atong parokya. Nia dinhi mahisulat ang mga balita mahitungod sa mga kalihokan sa parokya, lakip na usab ang mga kasinatian sa mga parokyano ug mga pagtulon-an sa atong pagtuo. Ania imo na ni, basin makatabang ni nimo”
Gidawat ni Nesto ang basahon ug sa di-hang nakabasa siya sa unang panid niini, nahin-gangha siya ug nagkanayon: “Pari nangayo ug pasaylo? Unsay gipasabot niini? Makasala sad diay na sila? Wa ni siya mauwaw nga miangkon?”, pusot pusot niyang pangutana.
Mipahiyom si Huwan ug miingon: “Basa-ha lang na bay ug unya na ta mag-estorya bahin niana sa sunod nakong balik nganhi.”
Misanag ang nawong ni Nesto sa pagka-bati niya niini. “Mao gyud nay akong gusto ihan-gyo unta nimo bay, nga mobalik ka kay daghan pa kog ipangutana, nagkinahanglan ko ug giya. Gika-poy na ko, di na ko kasugakod, buot na kong ma-kig-uli sa ginoo, mangayo ug pasaylo”, mapahiub-sanong misugid si Nesto sa iyang gibati.
Miagbay si Huwan sa iyang abaga ug miingon: “Sige bay, mobalik lang ko sa sunod ad-law, kalingawi lang una na ug basa-basa ang new-sletter mentras tanto”.
“Salamat Huwan, salamat”, nagkanayon si Nesto samtang nagpakli siya sa mga panid sa Hamiling Parokyano Newsletter. (AC)
No comments:
Post a Comment