Ang Sukaranan sa mga Maayong Buhat
Ang pag-ampo maoy makapakahimo natong susama sa atong Amahan nga mahigugmaon.
Gugma ang sukaranan sa tanang mga buhat sa usa kristiyano, ug ang matinud-anong pamalandong sa Ebanghelyo ni Kristo maoy magduso kanato ngadto sa paghimo sa mga buhat sa gugma.
Ang usa ka pundok nga katilingbanon, bisan kanunay pa kining maglihok alang sa pagtabang sa mga kabus, dili matawag nga kristohanon kung ang ilang mga gipanghimo wala manukad sa pag-ampo ug pamalandong.
Ang padayon karong gihimo sa atong parokya sa pagpalig-on sa mga lider sa sona ug mga kapilya dili mahimong epektibo kung dili iapil ang pagbasa sa Ebanghelyo diha sa ilang mga panagtigum.
Bisan tigumon pa ang tanang malantip ug panghunahuna sa atong lungsod, ang tanang maayong lake o babaye sa natad sa negosyo,edukasyon, politika ug uban pa, aron maoy padumalahon ug usa ka kristohanong katilingban, dili gihapon mahimong sangkap ang ilang mga plano ug mugna kung wala kini manukad sa pag-ampo.
Ang pag-ampo mamunga ug maayong buhat.
Walay kausaban kini, busa dili kini angay isalikway.
Tanang butang nanginahanglan ug pamalandog. Buhat man kini uban ang katilingban o bisan buhat sa usa nanginahanglan niini haron dili mahimong walay bili kini. Salamat sa maayong pamalandong.
ReplyDelete